Canni İnfantino 4.2 milyard dollarlıq layihədən imtina edib

FIFA prezidenti Canni İnfantino dünya çempionatlarında komanda sayının artırılması və "FIFA Forward Enterprise" adlı 4.2 milyard dollarlıq yeni şirkətin yaradılması planından geri çəkilib.

Britaniyanın "The Times" qəzetinin verdiyi məlumata görə, turnirlərin keçirilmə hüquqlarının bir hissəsinin satılması planı futbol dünyasında böyük qalmaqala və kəskin etirazlara səbəb olub. Xüsusilə UEFA, CONCACAF, AFC və CONMEBOL layihəyə qarşı çıxaraq ciddi təzyiq göstəriblər. UEFA hətta FIFA turnirlərini boykot etmək və İnfantinoya etimadsızlıq göstərmək ehtimalını bəyan edib.

Yaranan gərginliyi azaltmaq və mövqeyini qorumaq istəyən İnfantino, 2027-ci ilin martında Mərakeşdə keçiriləcək növbəti prezident seçkiləri ərəfəsində bu təşəbbüslərdən imtina etmək məcburiyyətində qalıb.