Tərtibatçılara “5 dəqiqə” şərti: Steam-də oyun yayımlamaq artıq daha çətin olacaq

Steam, xüsusilə generativ süni intellekt alətləri ilə hazırlanan oyunların sayında baş verən kəskin artım səbəbindən təsdiqləmə proseslərində ciddi sıxlıqla üzləşir.

Gözlənilməz gecikmələr səbəbindən bir çox müstəqil oyun tərtibatçısı planlaşdırılan buraxılış tarixlərini həftələrlə təxirə salmalı olub. Bununla əlaqədar Valve təsdiqləmə növbəsini azaltmaq məqsədilə oyunların yayımlanması qaydalarını yenilədiyini açıqlayıb.

Normal şəraitdə 3–5 iş günü davam edən yoxlama prosesi son dövrlərdə 12 iş gününə qədər uzanıb. Bu vəziyyət platformanı daha ciddi tədbirlər görməyə vadar edib.

Təsdiqləmə prosesini sürətləndirəcək yeni tələblər

Yoxlama müddətini uzadan əsas amillərdən biri olan təkrar yoxlama proseslərinin qarşısını almaq istəyən Valve, tərtibatçıların oyunları yayımlamazdan əvvəl yerinə yetirməli olduğu tələbləri sərtləşdirib. Yeni qaydalara əsasən, aşağıdakı şərtlər məcburi olacaq:

Süni intellekt müstəqil oyun tərtibatçıları üçün problemə çevrilir

Valve rəsmi açıqlamasında gecikmələrin səbəbi kimi süni intellektin adını birbaşa çəkməsə də, sektor nümayəndələri və müstəqil tərtibatçılar problemin əsas mənbələrindən birinin süni intellektlə hazırlanmış oyunların artması olduğunu düşünürlər.

Kifayət qədər texniki yoxlamadan keçirilmədən platformaya yüklənən süni intellekt dəstəkli oyunların sayının artması mövcud problemləri daha da dərinləşdirir.

Reddit platformasında aparılan təhlillər də bu tendensiyanı əks etdirir. Məlumatlara görə, oktyabr ayında Steam-də yayımlanan oyunların 49,9 faizi süni intellekt tərəfindən yaradılmış məzmun ehtiva etdiyini bildirib. İyun ayında keçirilən Steam Next Fest tədbirində nümayiş olunan demolar arasında isə bu göstərici təxminən 20 faiz olub.